الحلقة الأولى من القلب (السعاده انثى والحب ذكر) كيوبيد الحب)

السلام عليكم جميعا

كل واحد فينا بيحاول يعيش في حاله حب بيحاول يكون جنب الناس اللي بيحبهم ويحبوه

بيبقى مضايق قوى لو حس انه مش محل اهتمام الحبيب

وبيبقى مجروح قوى وقلبه مكسور وضعيف

لو حس إن اللي بيحبه هيبعد عنه أو خانه أو غلط في حقه

بتصعب عليك نفسك قوى

بس قليل قوى لما بنسأل نفسنا إيه معنى الحب ده اللي بنحس بيه؟

طب بنحس بيه ازاى؟

طب هو أصلا بيبدأ ازاى؟

من القلب ولا العقل

وبيحصل إيه؟

طب هو ليه أنواع؟

طب ازاى نفرق بينها؟

طب هو ليه اكتر من شكل؟

نعرف ازاى إحنا بنحب ولا لا؟

أسئلة كتير محدش فكر يجاوبها؟

قبل ما نحب لازم الأول نعرف إيه معنى الحب

عشان نعرف نحب بجد ونعرف نحب ازاى ومين ونتحب ازاى

الحب ده عالم كامل ومدينه لوحدها

عشان ندخلها وإحنا مطمنين لازم نعرف أماكنها كويس

عشان منبكيش في الأخر ويبقى في عنينا دموع

تعالوا نسمع محمد منير ونرجع نكمل

https://www.youtube.com/watch?v=irW4_FL2B2Y

اتمنى تكونوا استمتعوا بالأغنية

إحنا لسه مع الحب ومعناه واصله

الحب مشاعر بنحس بيها ناحية طرف آخر

ومش شرط يكون الطرف الآخر ده إنسان

ممكن يكون طبعا صديق أو أم أو أب أو حبيب

لكن ممكن يكون حب الأكل أو حب المال

أو حب الشغل أو حب العطاء وغيرها كتير...........

انتوا عارفين إن الحب هو الحاجة الوحيدة اللي مينفعش تتقرى او تتوصف

لازم تتحس بس عشان نقدر نقول إننا فهمناها ………..

أول ما تدخلوا مدينه الحب أول حاجه هتقابلوها

[size=21]الأعجاب
تعالوا نسمع نانسي ونشوف الإعجاب بيعمل إيه

https://www.youtube.com/watch?v=jkAXktfo5Yc

طبعا إعجاب نانسي تحفه محدش يقدر يقوله لا هههههههه

الإعجاب بيجى لما بنحس إننا ابتدينا نتعامل مع الطرف الآخر

وأول ما نشوفه يبتدى قلبنا يدق بقى والواحد يحس انه متلخبط ويسال نفسه :

يا ترى الطرف الآخر ده عنده نفس الشعور ولا لأ ؟

طب يا ترى حاسس بيه؟

ونتعود على وجوده

وتبدأ بعدها تانى مراحل الحب

الحيرة

تعالوا نسمع محمد فؤاد

ونكمل مراحل الحب

https://www.youtube.com/watch?v=UZmOt4hesco

رجعنا تانى للحيرة

جميل انك تحتار عشان تحس بلذة الحب لكن لو استمرت الحيرة

بيقل الحب ويجى معاه عذاب الحب

وهنا لازم نحذر عشان مش نقع في أول غلطه هتقابلنا

وهى الحب من طرف واحد

لازم منستعجلش عشان منتعبش

الإنسان بطبيعته لما بيحس انه فرحان ومبسوط وخصوصا بأنه

أخيرا هيلاقى الشخص المطلوب

حياته كلها بتتلخبط ويبتدى يشوف حاجات ممكن متكونش موجودة

او ممكن ميكونش كان واخد باله منها قبل كده ومن هنا هيدخل مرحله جديدة

الخوف

مرحله الخوف والقرب من الطرف الآخر

تعالوا نسمع هاني شاكر

وهنشوف إيه اللي بيحصل لما بنقرب من الطرف الآخر ونبدأ نحبه

https://www.youtube.com/watch?v=lLH6iWQV-kE

طبعا بعد كلامه مش هاقدر اشرح اكتر من كده

هو أكيد قال كل إحساس بنحسه بجد

بنبقي مش قادرين نبعد عن حبيبنا والساعات جنبه بتبقى ثواني

والوقت بيفوت بسرعة وبيوحشنا قبل ما حتى يمشى

لدرجه إننا من أول لحظه بنروح نشوفه فيها

على قد ما بنبقى مبسوطين من إننا شفناه بنبقى عاملين حسابنا إننا هنسيبه بعد ثواني

وبنخاف في نفس الوقت من اليوم اللي ممكن يبعد عننا فيه

او من رفضه اللي ممكن نقابله من ناحيتنا ومن ناحية حبنا

ومن المشاكل اللي ممكن تعيق علاقتنا بيه

وساعاتها بتيجى مرحله الحب

اللي بيجى معاها حاجات كتيرة قوى

طبعا مش هاعرف اجمعهلكم مرة واحده في حلقه واحده

عشان كده أنا عملت البرنامج ده عشان نجاوب كل حلقه عن سؤال في الحب

الناس كلها بتسال و أسئلة كتير من غير أجابه تريح أو صريحة

حتى فيروز محتارة ومش عارفه تجاوب أسئلة الناس

تعالوا نسمع فيروز ونرجع تانى

https://www.youtube.com/watch?v=qFL5Lvg2rpo

انتوا كمان لو محتاجين إجابات عن الأسئلة دية

أنا هاجاوبكوا عليها في كل حلقه من حلقات البرنامج

بس يا رب يعجبكم ويكون أضافه جديدة

الحلقة دية أتكلمنا عن معنى الحب كبداية ومعنى الحب بيختلف من شخص لاخر

أنا عاوز بقى كل واحد فيكو يقولى معنى الحب من وجهة نظره

والحلقة الجايه أي سؤال اكتبوه وأنا هاجاوبكم عليه وأي انتقاد أنا هاكون مبسوط بيه

عشان أكون أحسن في الحلقة الجايه بمساعدتكم

واستنوا أول سؤال عن الحب و أوعدكم إن الحلقة الجايه هاتكون سخنه جداااااااااااا

أنا بس حبيت أمهد للبرنامج وموضوعه أنا طبعا لسه عندي كلام كتير عن معنى الحب

مش قولتلكوا مدينه لوحدها عاوزه اللي يدخلها بقلب جامد

هندخلها سوا ونعرف كل حاجه عنها مع بعض

ونعرف أنواع الحب كله مش حب الحبيب بس

يا رب مكونش طولت عليكوا

وأتمنى بجد إن تكون محاولتي نجحت ولو ب 10 % عشان أحس أنى عملت حاجه

و أوعدكم أنى هاكون أحسن الحلقة الجايه

إحنا لسه مشوارنا طويل مع الحب عشان كده لازم نحلم ونكمل

تعالوا نختم البرنامج

بأغنية بحبها قوى لفريق واما وأتمنى إنها تعجبكوا بجد

أتمنى اسمع ردودكم وتعليقاتكم

زى ما قولتلكوا ده ليكوا وبتاعكوا وليكم القرار

مشوار طويل

https://www.youtube.com/watch?v=bO1IMpFXxGA

MiXoOo

--------------------

بجد الحلقه دى بتناقش حاجات جميله جدا وبجد انت اذهلتنى بمجهودك ده وكلامك فعلا
عشان كده انا متحمس انى اشوف بقيه الحلقات
وياريت كلها تكون بتنفس الجمال ده
ونفس الاغانى الروماتسيه الجميله دى

بجد ميكسو انا هخلى فى حلقاتك شىء اساسى فى المنتدى
وهنستناها انا وكل الاعضاء

وهطلق عليك لقب اسامه منير المنتدى

انا بشكرك يا ماتريكس على الرد الجميل بس انا للأسف مش عاوز شكر على الحلقات انا عاوز تجاوب مع الحلقات
يعني بعني ان باذن الله هايكون فى الحلقات القادمة اسئاة وحاجات تانية عن الحب فياريت نتجاوب معاها اكتر عد كدة
انا حبيت انوه عن الحاجات اللى هتكون داخل الحلقات عشان نعمل حساينا
ومش عاوزن حد يتكسف
انت مش بتقول اسامة منير يبقى الدور والباقى على الاعضاء انا عملت اللى عليا والباقى عليكوا
واللى عاوز اي استفسار انا موجود معاكو طبعا
وباذن الله هيكون كل يوم جمعه بالليل حلقة جديدة
انتظرو باقى الحلقات
من القلب منكم واليكم

حلقه جميله جميله..
والفكره اصلا للموضوع جميله
ميرسى ميكسو

الايام دي حب المال والشهره هوا اللي طاغي علي الناس
تلاقي البت من دول جميله يجري يتنافس هوا وصحابه انه يكلمها ويتراهن كمان

الحب هو أجمل سوء تقدير بين اثنين
الحب كالحرب من السهل أن تشعلها.. ومن الصعب أن تخمدها
ثلاث لا يمكن أن نخفيها؛ الجمل وراكب الجمل والحب
بالحب لا نعقل.. وبالعقل لا نحب
بالقلب نحب.. وبالعقل نكره.. بالاثنين نصاب بالجنون
بداية الحب نهاية العقل
بذور الحب تنمو على مهل، أما الثمار فبسرعة
حب تطارده: جميل، حب يطاردك أجمل
روح الحب تعيش في جسم من يحب
حبنا لشخص لجماله ليس حبا، ولكن عندما نحبه رغم عيوبه.. فهذا هو الحب بكل
تأكيد
عندما نريد الحب لا يجيء، عندما يجيء لا نريده
عقوبة من يحب كثيرا.. أن يحب دائما
في الليل وفي الحب.. يصاب الناس بعمى الألوان
في الحب ننسى كرامتنا.. وفي الغيرة ننسى الحب
في الحب خطابات نبعث بها وأخرى نمزقها وأجمل الخطابات هي التي لا نكتبها
قد يولد الحب بكلمة ولكنه لا يموت أبداً بكلمة
ليس الحب هو الذي يعذبنا، ولكن من نحب
لا أحبك لأنك مصدر راحتي.. وإنما أحب راحتي لأنك مصدرها
ندين للحب بحياتنا.. وبموتنا أيضاً
من يحب.. يحب إلى
الأبد

ايه الشغل الجامد ده بجد بجد تسلم ايدك

شكرا يا تيجر على مرورك الجميل اللى شرفنب بجد
واشكرك انتى كمان يا همسة

وبأذن الله انتظروا باقى الحلقات

حلقة جاااااااااااااامدة ياميكسووبجد مجهود منك رائع

وانا فى اعتقادى ان الحب هو الخوف على الحبيب اكتر من انفسنا
هو اللهفة والشوق للحبيب
وطبعا اول مافيه هو الاعجاب بالحبيب
والحب هو اللى بيبعث الامل والتفاؤل فينا
شكرا ليك ياميكسو ولكلامك الرائع واتمنى المزيد

حلقه جميله جدا جدا جدا

والفكره أجمل

شكرا ميكسوووو

» من القلب....الي القلب....اعطيها لكل قارئ
» قواعد السعاده السبع
» ليس من يتكلم عن الحب كمن يتألم من الحب
» ليس من يتكلم عن الحب كمن تالم من الحب
» Hearthrob الحب لمن لا يعرف الحب