القصة دى بجد حصلت لوالدى انا

كان بابا ف يوم خميس راجع من اجتماع الشركة الاسبوعى فى القاهرة المهم عند اول طريق

القاهرة بلبيس الصحراوى كان راجع لوحده المهم لقى واحدة بتشاور من بعيد اى حد هيقف اصل

دى واحدة والساعة 12 بالليل راح واقف وركبت قالتله معلش انا هنزل عند اولاد سيف دى قرية

بعد بلبيس من ناحية الزقازيق اوكى راح جاى بابا لبسها الجاكيت بتاع البدلة علشان كان الجو برد

ونزلها فعلا عند اولاد سيف وقالها سيبى الجاكيت وانا بكرة ممكن اعدى اخده قالتله لما تيجى تسأل

عن بيت الحاج عبده برعى فعلا بابا تانى يوم نزل البلد وقابل الراجل ده اللى هوا ابوها فبابا حكى

ليه اللى حصل الراجل قاله يابنى ( بنتى ماتت من خمس سنين فى حادثة عند مدينة السلام ) طبعا

بابا مش كان مصدق الراجل راح الراجل ده واخده علشان يشوف المكان اللى هيا مدفونة فيه

راح بابا والراجل لقوا الجاكيت على القبر بتاعها

والله العظيم يا جماعة عمرى ما نسيت القصة دى ولغاية انهردة بابا بيعدى ع الراجل وده وعمى

عبده ده بيحب بابا جدا جدا بيقولوا بنتى قابلتك بعد لما ماتت

ودى القصة اللى انا بجد واختى بنخاف منها ووصلت اننا ايامها خوفنا من الجاكيت ده ومن بابا

نفسه ولسة الجاكيت ده هنا وعادى خااااالص

مش عارف انتوا رأيكم ايه؟؟؟؟؟؟؟؟؟؟؟؟؟؟؟؟؟؟؟؟؟؟؟

ياحرااام ..
غريبه اوى..بس المفروض بابا مش كان ياخد الجاكيت لتقوم البنت دى تانى Rolling Eyes

حلوه ميرسى كريم..

هههههههههه ماشى المهم هوا خده وخلاص

سبحان الله بجد لو حصلت تبقى قصه غريبه

غريبة جدا القصة دى

سبحان الله قادر على كل شئ

غريبه القصه دي بجد
لازم الكل يتعظ والدك يا بن الناس فيه شئ لله
سبحان الله سبحان الله

اه الحكايه دى عامله زى حكاية هانى رمزى لما كان قاعد فى عمارة واحد صاحبه
بس بجد ةحكايه غريبة scratch