كرسى الاعتراف

طبعا نشارك موضوع جميل جدا

طيب قول يا ميمو تختار مين يكون اول واحد فى كرسى الاعتراف

انا برشح ماتركس علشان الادمن نغلبه شويه ايه رايكم

يلا اختاروا

وشكرا لمشاركتك ميمو

العفو يا باشا شكرا ليكى انتى واللة مواضيعك مشوقة وجميلة
خلاص نختار ماتركس
تعلالى يا حبيبى
اول سؤال استلم يا صاحبى/كام مرة مشيت مع بنات بس بصراحة
السؤال الثانى/اية هى اكلتك المفضلة
الثالث شد حيلك الامتحان صعب/ بصراحة اية هى مواصفات فتاة احلامك انا عارف لازم تكون عرجاء وهبلةاصلك صاحبى وعارفك بس قول برضة
خلاص كدة النهاردة علشان شكلك هتعيط نكمل وقت تانى
ميموووووووووووووو وبس

ههههههههههههههههههههههه هو لازم انا اللى فى الاول يا جماعه

ماشى يا ميمو


اولا انا مش مشيت مع بنات بالمعنى اللى فى مخك يعنى انا اعرف بنات قرايبى وكده وكله زى اخواتى لو واحده احتاجت خدمه الحمد لله بحاول اقضيهالها كانى بعملها لواحده من اخواتى البنات بالظبط

ثانيا اكلتى المفضله ههههههههههههه كتير الكبده الاسكندرانى والحواوشى ههههه والرنجه وانا بتفنن فى عمايل الكبده الاسكندرانى مخصوص

ثالثا مواصفاتى فى البنت اللى اتمناها ان شاء الله انها تكون متدينه وطيبه ومثقفه وتكون روحها خفيفه مش مهم الجمال



شكرا لك على اسالتك وربنا يرحمنى منكم هههههههههههههه

ايه ده انتوا بدائتوا من غيرى

انا جايه اسال اسئله النهارده

1- هدفك ايه من انشاء المنتدى

2- اكتر حاجه بتفرحك واكتر حاجه بتزعلك

3- اقرب حد ليك فى المنتدى

4- انت قولت انك بتتفنن فى صنع الكبده الاسكندرانى ..قولى بتعملها ازاى واحكيلى طرائف مصطفى مع المطبخ ههههههههه

5- ..الممثل المفضل والممثله والمغنى والمغنيه والاغنيه المفضله

6- هواياتك

7- عدد ساعات نومك متواصل ولا منفصل

8- بتواظب على انك تروح الجامعه ولا مقضيها طناش

9- لما بتلاقى سؤال صعب فى الامتحان بتعمل ايييييييييييييييييييه

10- ايه اهدافك لتطوير المنتدى

كفايه كدا دلوقتى

دانت هتشوف اسبوووووووووووووووع محدش شافه

ههههههههههههههههههه

اسأل يعنى ولا ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حرام عليكى كدة واحدة واحدة علية.....بس اسالتك روعة احنا عايزين اسالة تحرجة اوك زى بتاعتى كدة

انت لسه هتسال يا كريم اسالو ولا لاء
دوس يلا


لاء يا ميمو انا بس بفتح مجال اساله وبعد كدا هتلاقى الاحراج كله ويلا انت كمان اسال


اسالوا براحتكم يا جماعه

الميكروفون معكم وماتركس ماثل امامكم مش وراه حاجه غير انه يجاوب

اسالواااااااا

ايه ده فين الناس

مش بتسالوا ليه

طب انا هسال

1- حبيت كام مره ويعنى ايه حب عندك

2- اصعب موقف اتحطيت فيه

3- الدموع تمثل ايه عندك

4- احلامك ايه للمستقبل

5- كليه علوم كانت اختيار ولا مجموع

جاوب يلاااااااااااااااا

هههههههههه انا مصطفى

وعندى 19 سنه

معنى انى بعاملهم زى اخواتى انى بخاف عليهم وبحميهم وبحاول اساعدهم

لا مش بستخدم المنتدى لكده انا عامله عشان اساعد الناس مش اكتر


شكرا ليك ياحبيى الف شكر

يا سيدى مصطفى ده انسان عادى واقل من عادى اولا والله كل همى انى ارضى ربى ومش بحب المظاهر ولا الحاجات دى

وغير كده انا بحب اخلى الناس تفرح بمعرفه بعضها وبحب اجمع بين الناس
وبس هو ده مصطفى

انت مش بتجاوب على الاسئله بتعتى لييييييييييييييه

جاوب بقه علشان اجى اسال تانى

موضوع جميل شكرا ليكى يا محبة
بالنسبة لاسالتى1-بتواظب على الصلاة ولا لاة ومن امتة بدات تصلى وبتصلى فى المسجد ولا فى البيت
2-عندك اخوات بنات كيف تحتوى اختك
3-ليه مش مخلى اختك تشترك فى المنتدى
4-اختك لو فى الجامعة عادى بالنسباللك انها تكلم شباب زمايلها باحترام طبعا
5-مصاحب اختك ولا بعيد عنها
6-بتحب كليتكوايه الوظيفة اللى بتحلم بيها
7-حصل وصاحبت علشان مصلحتكولا لاة
8-تؤيد قصص الحب قبل الارتباط الرسمى ام لا
9-مامعنى صداقة الولد بالبنت عندك
10-ايه احلامك فى المستقبل
شكرا ليكم

ردا على اسئلتك يا محبه

انا محبتش بجد الا مره واحده والحب عندى تفانى فى حبك يعنى تهدى حبيبك حتى روحك

اصعب موقف اتحطيت فيه هو موت امى

الدموع هى اغلى شىء عندى ولا يراها احد

احلامى للمستقبل انى ارضى ربنا واكون اسره واساهم فى المجتمع بالخير

علوم كانت اختيار لانى حولت ليها
شكرا لكى

ردا على اساله الورده الجريح
اه انا الحمد لله مواظب على الصلاه من زمان يمكن من وانا عندى 6 سنين

اه عندى اخوات بنات انا مش وصلت لدرجه انى احتوى اختى هى ساعات مثلا يتكيلى حاجات وبقلها انتى صح او غلط او بتاخد رايى فى حاجات

مش مخليها تشترك ف المنتدى لانها مش بتقعد ع النت

ممكن بس لو مثلا معاه محاضره مش مع حد من البنات او فى حدود الزماله غير كده لا طبعا

بالنسبه لاخواتى مش كلهم اصحابى فى منهم قريب ومنهم بحس انه بعيد بس اخواتى كلهم يعتبروا اصدقاء جيدين ليا

اه بحب الكليه وبحلم انى اشتغل فى مجال الكبيوتر

لا انا عمرى ماصاحبت عشان مصلحه حتى انا بحب اساعد اصاحبى من غير اى مقابل
اؤيد الحب البرىء فقط اللى بيكون من غير لعب عيال زى اليومين دول

الصداقه بين الولد والبنت هو ان يعتبرها مثل اخته بالظبط واحط تحت اخته الف خط

احلامى انى اعيش بخير

وشكرا لكى على الاسئله

بجد يا مصطفي انتي راجل محترم

الله يكون فى عونك يا مصطفى

ايه رايكو يا جماعة نختار محبة بما انها صاحبة الفكرة



ها مين موافق؟

طبعا انا موافقه يا انوشا

محبه مين؟؟؟؟؟؟؟؟؟؟؟؟؟؟؟؟؟؟؟؟؟

محدش هنا بالاسم ده

اوعوا يكون قصدككم عليا

ماشى اسالوا

إسمك وسنك ومهنتك؟؟ ههههههههههه هو انا فى محكمه ولا ايه ههههه اسمى محبه لله سنى 21 سنه مهتنى طالبه ف كليه العذاب والشقا ...هندسه المنتدى ده بيمثلك إيه؟ داخلاه علشان حد معرفه ولازم اكون معاكم ...لو مش يضايقكم أين انتي من الله؟؟ (قريبه لحد فين يعني) ده سؤال الشيخ محمد حسين يعقوب الحمد لله الى حد كبير قريبه من ربنا بس مش هنكر انى مقصره فى حاجات وربنا يتقبل منك ومنكم صالح الاعمال رأيك إيه فيما يحدث في الجامعات من إختلاط الصراحه وبكل صراحه انا مش بكلم اولاد فى الجامعه وساعات بتصادف ويحصل ان اكون عايزه حاجه او كدا بيكون فى حدود الادب جدا ووجهه نظرى بقه اننا رايحين علشان نتعلم مش لاى غرض تانى ولو حدود الكلام فى الدراسه لا اكتر من كدا يبقى عادى انما اللى بشوفه فى الجامعه غير كدا خالص وربنا يهدى الجميع بتسمعي أغاني ولا بعتبيرها حرام؟ لاء بسمع اخر مره سمعتي فيها أغنيه كانت إمتى؟ عبد الحليم فى يوم فى شهر فى سنه اخر مره سمعتي فيها خطبه دينيه كانت إمتى؟ غالبا بيكون يوم الجمعه بشغل عمرو خالد مين من المغنيين و المطربات إللي بتحبيهم؟ بميل للقديم عبد الحليم ونجاه والجديد انا بميل لكاظم واصاله وامال ماهر مين من الشيوخ إللي بتحبيهم وبتسمعيلهم كتير؟ عمرو خالد كفايه لحد كده لما افكر في أسئله تانيه هو لسه فى تانى انت مش تعبت يلا مستنيه

هااااااااااااااااااااااااى
انا هسالك سؤال واحد ويريت تجوبى عليه بصراحة
هو سؤال سهل
ايه هى الشخصية التى اثرت فيكى ؟ولماذا؟
باااااااااااااااااااااااااااااااى

اسفه للتاخر فى الرد بس النت بقه

انا هجاوب

ايه هى الشخصيه اللى اثرت فيكى ولماذا |؟

1- الشخصيه اللى اثرت فيا ..ماما

والسبب انها بجد عملت علشانى كتير وبعتتبرها مثلى الاعلى وهى اصلا ست عظيمه


1/ انتى قسم ايه وهل القسم دخلتيه برغبتك ولا بالمجموع ؟
انا قسم كهربا ..والكليه فى الاصل دخلتها برغبه من اهلى واستخسرت المجموع لانى كنت الخامسه على المحافظه وقتها

2/انتى ايه اكتر سنه كانت صعبه عليكى اووووى فى الكليه وبعدها ارتحتى كتير ؟
اصعب سنه هى بجد اخر سنه شغلها كتير اوى ومستنيه ارتاح

3/امتى بيجى عليكى الوقت اللى بتقولى انا ايه اللى دخلنى هندسه ؟
فى كل وقت بحس فيه انى ظلمت نفسى انى مش دخلت الكليه اللى انا كنت عايزاها

4/ماذا تعنى ليكى كلمه مهندسه
كليه الشقا والكفاح واللى خارج منها هيرتاح
بس بجد بردوا هى فادتنى كتير فى اسلوب كلامى ومعاملتى مع الناس

5/ ما المهنه التى تبغى مزولتها فى المستقبل بأذن الله ؟
انا عايزه امسك خط انتاج فى احدى المصانع فى المدن الصناعيه الجديده

6/لمن تقولى هذه الكلمات فى المنتدى

انا الصراحه مش عارفه كلمات ايه يمكن انت مش كملت السؤال

السلام عليكم ورحمة الله وبركاته
فى البدايه احب اقول لكل الاعضاء بجد وحشتونى لانى من زمان مادخلتش المنتدى
وأشكر محبة الله على الموضوع الرائع زى ماعودتنا دايما موايما هادفة وشيقة
وأشكر ماتركس طبعا اجاباتك أكثر من رائعة والشكر الكبير ليك لأنك عملت المنتدى الجميل ده اللى فعلا بيفيد الطلبة زى ماقلت
واسمحولى أشارك مع انى متأخرة بس خلوها عليكوا
وهسأل محبة الله سوال واحد ولو مش عايزة تجاوبى يا عسل مفيش مشكلة
انت لحد دلوقتى صادفتى الحب الحقيقى ولا لسة
ولو محصلش تقبلى انك تتجوزى جواز تقليدى ولا هتفضلى انك تستنيه

ايه يا جماعة مين اللى هيقعد على كرسى الاعتراف الاسبوع ده ؟؟؟


انا ارشح سندريلا الشرق


مين موافق؟؟؟

وانا كمان موافقه
شد حيلك يا جميل