لازم في يوم يظهر جدع

جرجروني يا ديابة
بشهادة كدابة
لا بخاف من العسكر
ولا قاضي ولا منبر
كلامي مفهوش فايدة
محضري جاهز
بأقوال كدابة
قدامك يا نيابة
إنت عارفه الحقيقة
وعارفه تيابه

خرايطكم وهمية
سراب لأغبية
عصابة هجامة

جوا القفص بضحك
من سؤالك يا نيابة
المجني يتحاكم
والجاني بحاكم

التهمة كانت أرض

غيرة شرف على العرض
يا أمي سامحيني

ما شفت طعم الراحة
من يوم ولدتيني
طول ما إنت
توبك عاري الصدر
مقطوع يا أمي
بسنكي الغدر
عرفاني يامه
فؤادي جريح
قتل الديابة
ما يسكت لحظة الصريخ
تأكدي عمري لحظة
ما أنحني للريح
ولا أحس مرة بالوجع
لازم في يوم يظهر جدع
يقطع بسيفه ليل السكات
ما تبكيش لما يقولوا
إبنك مات
في حبل المشنقة
أو بالرصاص
إنت عارفه من كم سنة
ما أعرف طريق للنوم
عمر جوفي ما امتلا
عايش في صوم
لو تسمعي بخبر موتي
ما تخديش عزايا
متنصبيش قدام الدار
ولا تقولي عديد وأشعار

ولا بعدك يا ولدي مرار صبار
وإن يسألوك
لايشكشك عليك الحضن
لا تقولي مات في السجن
قولي ضنايا
عنوان فدى للوطن
قولي ضنايا
سابق شراع الزمن
سافر يجيب الفجر
سافر في رحلة
محتاج كتاب الصبر
إجعليني كلمة
في لحن البلاد
أوعي تنسي يامه
الوصية
أوعي تقولي واحد
كفايا
من بعدي أخويا
يحمل الراية
جرجروني يا ديابة
من مكان موتي
أحفروا حفرة
آخر كلام سكوتي
تحت سور القدس
أخرسوا صوتي
تحت سور القدس
أخرسوا صوتي

» لازم تعملوه
» كان لازم انساك
» لو بتحب بجد يبقى لازم تجاوب ؟؟؟
» حاجات لازم تعرفها علشان تكون رومانسى
» اسئلة للبنات لازم تجاوبوا عليها كلكم