اخر اخبار انفلونزا الطيور فى مصر

[]بسم الله الرحمن الرحيم

انا هحاول اخلي الموضوع بسيط وبالعاميه لاني بحس ان الفصحي تقيله شويه.المهم

انعقد بكلية الطب البيطري بكفر الشيخ جامعة طنطا ندوه علميه عن اخر تطورات لانفلونزا الطيور وكيفية الوقايه منها

والتعامل معها وذلك تحت رعاية الاستاذ الدكتور فؤاد خليفه هراس رئيس الجامعه ولفيف من الاطباء البيطرين وغيرهم من

المتخصصين في مجال الدواجن

كان من اهم اهداف الندوه التعريف بالمرض وكيفية حدوث العدوي للطيور وذلك عن طريق الجهاز التنفسي

ولكن؟؟؟؟؟هناك سؤال مازال يحير الملايين هل المرض وصل مصر ولا لسه؟؟؟[الاجابه بسيطه جدا ان المرض لسه موصلش مصر والحمد لله ففي مصر يوجد 36 مسار للطيور المهاجره واهم تلك المواقع بحيرة المنزله وبحيرة البرلس اللي بيستريح فيها الطير لمدة عدة ساعات وبعدين يواصل رحلة الهجره المهم ان

خلال تلك الفتره يؤخد عينات من تلك الطيور ويتم تحليلها من قبل اساتذه متخصصين لمعرفه ما اذا كان الفيرس موجود

في تلك الطيور ام لا بس الحمد لله كل العينات اللي اخذت من الطيور دي سليمه ولايوجد بها الفيرس مش كده وبس

لا دي مصر كمان اصدرت قرارات بمنع استيراد اي منتجات دواجن زي الريش اللي بيستخدم كاضافات اعلاف وده علشان

نطمن ميه في الميه ان الفيرس ميدخلش بلدنا باذن الله

وتعرفوا؟؟؟؟في حاجه محدش يعرفها اكيد منكم عارفين ايه هي؟؟؟ ان الفيرس موجود اساسا في مصر؟؟؟ استنوا استنو

متخافوش. ايوه فعلا الفيرس موجود بمصر لاكن في الصوره الكامنه بتاعته يعني مش نشيط وليش له القدره علي اصابة

الانسان ومش موجود في مصر بس لا موجود في كل حته في العالم واحب اطمنكم ان الفيرس ده ضعيف جدا يعني

بيموت عند درجق حراره 70 درجه مئويه فقط يعني اكيد ان احنا بنسوي الفرجه عن 100 درجه ويمكن اكتر كمان عشان

كده احب اطمن كل المصريين فلا داعي للقلق.. وعلي فكره ان الذعر الشديد ده جه من حاجه واحده فقط وسائل

الاعلام اللي كانت بتحاول تعمل بلبله وزعر من غير سبب وهما اكيد برضه معزورين لان في ناس كتيره قوي ظهرت علي

الفضائيات تفتي وتقول معلومات غير صحيحه وهي اساسا مش فاهمه حاجه في اي حاجه ودول ناس لا يمتو للطب

البيطري بصله ولا مجال الدواجن اساسا عشان كده يا جماعه خدوا الموضوع ببساطه .علي فكره انا اعرف ناس بقالهم

حوالي 3 شهور مبياكلوش فراخ ؟؟ سبحان الله يارب ليه بس كل ده وعشان ايه احنا بنقول اهوه ان الفيرس مدخلش

مصر ومش هيدخل باذن الله وان احنا عندنا اكتفاء زاتي من الدواجن يعني مش بنستورد عشان كده فراخنا كلها سليمه

ميه الميه

في النهايه احب اطمنكم ودي رساله حبيت اوجهالكم واطمنو لو حصل اي حالات لقدر الله وده مش هيحصل باذن الله

وزير الصحه بنفسه في خلال نص ساعه بس هيطلع في التليفزيزن ويبلغ عن الموضوع ده لاننا ساعتها هنحتاج تكاتف

الشعب كله عشان نواجه المشكله عشان كده مش عاوزا اي حد يكون عنده شك ولو واحد في الميه ان المرض لو حصل

ان الحكومه هتخبي ؟؟ لا مش ممكن واكيد كل الشعب هيعرف وده في خلال نص ساعه فقط من اكتشافه ..دا لو حصل اساسا

[هذا واتمنى من ربنا يكفينا واياكم شر هذا المرض الخطير

ربنا يكفينا شر المرض الخطير ده شكرا لكى

شكرا ليكى يانور

ميرسى لردك يا ماتركس وميرسى جامد جدا لسندريللا ربنا يجعلكو اول من يرد على كدة ع طول

ميرسى يا دكتورة نور
هههههههههههههههههه

ع اية يا انوشا انتى تؤمرى بس

» القاهرة تعلن حالة التأهب القصوى لتنفيذ خطة مكافحة انفلونزا الطيور
» لتهبط كل الطيور على ثوب حبيبي...
» خبر عاجل عن انفلونزا الخنازير
» حالات انفلونزا الخنازير فى مصر
» من لاعبي بيتيتس يحملون فيروس انفلونزا الخنازير